Quî dal Gróp 1

GIAN FRANCO NASI

Mé a j ēra in quêrta o quinta elementêra quand al mèister Curti, al grând mèister Curti dal scòli ed l’Uspési, al s’à parlèe d’ âtom, molècole e d’ êter quèll acsè. Fin d’alòura la mé véta l’à catèe la só strêda. Mé a sûn dvintèe chémich e dôp farmacésta.
Còl che vòj dîr l’é che în stedî dal parôli strâni che m’àn incantèe per premî, parôli difécili e grôsi c’me na muntâgna per mé che j ēra céch c’me j eletròun. In d’la mé véta la m’à  sèimper intrighèe la siĵnsa, mó la smèinsa in stêdi al parôli dal Mèister.
E pó a’m piêš armes’cêrla cun al lètri e la poešséia, da  diletânt, che sia bèin cêr.
An gh’è mìa diferèinsa tra siĵnsa e poešséia:  quand ‘na côša l’é bèla, l’é bèla!
Acsè come l’amicésia in dal nòster grópp ch’l’as tîn unî tótt quânt cme i dî d’na mân dèinter in dl’ istèss  guânt.

---

ISCRIVITI ALLA NOSTRA NEWSLETTER PER RICEVERE OGNI VOLTA LA SEGNALAZIONE DI UN NUOVO POST

Cognome

Nome

Indirizzo email:

Lascia questo campo vuoto se sei umano:

DISCLAIMER | COOKIE POLICY | PRIVACY POLICY