Componimenti di Betty Bertani

PER TÓT VIN AL SŌ TÈIMP

Per tót vin al sō tèimp,
al sō mumèint per tót’al facèndi sòt al ciel!

Gh’era un tèimp ch’as parleva sol in dialèt
E po’ é gnu col ed parler un italian perfèt.

Al sé studièva in tót al scoli di  paèis,
e adèsa al post ed l’italian gh’om da imparer l’inglèis.

Gh’era al tèimp ch’as magnèva di gran ciocabèch
E po’ é gnu finalmeint còll ed fèr al coffeebreak.

Gh’era al tèimp ch’at sintiv dir sòl e-sgagèt
E po’ còll ch’at seint parlèr sol ed budget.

Da ch’in drée i móscol at gniven a forsa ed druver vanga e badil,
e adèsa gh’om d’ander in palestra per guadagner dal sex-appeal.

S’at tuliv mia muiera eintr’a treint’an, t’er un pót,
invece adèsa esèr single a fa un pò gola a tót.

Gh’era al tèimp che te dgiven “perla cm’at magn”
Mò adèsa cm’as fa a magnèr ch’as pèrla sol on-line?

PER TUTTO VIENE IL SUO TEMPO

Per tutto viene il suo tempo,
il suo momento per tutte le faccende sotto al cielo!

C’era un tempo in cui si parlava solo in dialetto
E poi è venuto quello di parlare un italiano perfetto.

Lo si studiava in tutte le scuole dei  paesi,
ed ora al posto dell’italiano dobbiamo imparare l’inglese.

C’era un tempo in cui si mangiavano anche barbe di becco
E poi è arrivato finalmente quello di fare il coffee break.

C’era un tempo in cui sentivi dire solo svegliati !
E poi quello in cui senti parlare solo di budget.

Un tempo i muscoli crescevano con l’uso di vanga e badile,
e oggi dobbiamo andare in palestra per avere del sex-appeal.

Se non prendevi moglie entro i trent’anni, eri un povero scapolo,
invece adesso esser single fa un po’ gola a tutti.

C’era un tempo in cui ti dicevano “parla come mangi”
Ma adesso come si fa a mangiare che si parla solo on-line?