L’aparéinsa l’ingâna

L’APARÉINŞA L’INGÂNA

Tót a saiòm che sembrer  i pió furob dal volti fa bóun,
mo bisogna mia eser esagerè
perché al dè d’incō
la finsiòun l’a purtè via la realtè.

In dal mōnd dal lavor van avanti sol i venditor;
perché cunta mia pió esèr  boun ed lavurer:
l’important l’é saveirla cunter.

La  televisioun cun la publicitè
la s’ impes la tèsta ed falsitè.

As fan veder in cuntinuasioun dal modèli
sexi, elti, bèli e snèli,
mó s’at capita d’incuntreri ed persona,
seinsa ‘na man ed pitura,
at casca la ghegna e tirerla só l’è dura.

Cun tóta sta smania ed gioventò,
la fisionomia dl’a ginta l’an s’capés piò.

Se quel at pieès mia, t an preocuper:
adèsa an gh’é gnint ch’an s’posa rifer.

Ghet i laber sutii, al nes gròs o al seno cèc?
N’aveir mia paura che cun du suldein e un bisturi,
at rifan l’impalcadura!

Sat ghè pó gli ureci a sventola
o i deint tót e-sghirlinghè
at cambien fin i conòtè.

Che invédia che fan qui che viasa seimper,
a sintiri parler pèra che in di post piò beè,
lor agh sien belè steè.
E te at tin ‘scolt, t’at fè cunter tót, roba d’ an credregh mia,
e di fati, anca lōr, i an vest sol in fotografia.

Se gh’andom a veder in-dal cusduri tót al mond l’é paeis,
e ognun, a la so manera,  gh’a da river a la fin dal meis,
mò a cal punt che gh’en sresen mia rivèe,
se piò dal bali cuntèsa la veritè.

L’APARÉINŞA L’INGÂNA

Tutti sappiamo che sembrare i più furbi a volte è vantaggioso,
ma non bisogna essere esagerati
perché al giorno d’oggi
la finzione ha sostituito la realtà.

Nel mondo del lavoro vanno avanti solo i venditori
perché non conta più esser capaci di lavorare:
l’importante è saperla raccontare.

La  televisione con la pubblicità
ci riempie la testa di falsità.

Ci fanno vedere di continuo delle modèlle
sexy, alte, bèlle e snelie,
ma se ti capita d’incontrarle di persona,
senza la loro mano di pittura,
ti cade la faccia e riprenderti è dura.

Con tutta questa smania di gioventù,
la fisionomia della gente non si capisce più.

Se qualcosa non ti piace, non ti an preoccupare:
adesso non c’é niente che non si possa rifare.

Hai le labbra sottili, il naso grosso o il seno piccolo?
Non avere paura che con due soldini e un bisturi,
ti rifanno l’impalcatura!

Se hai poi le orecchie a sventola
o i denti tutti mal messi,
ti cambiano anche i connotati.

Che invidia che fan quelli che viaggiano sempre,
a sentirli parlare sembra che nei posti più belli,
loro ci siano già stati.
E tu li ascolti, ti fai raccontare tutto, roba da non credere,
e infatti, spesso anche loro, li han visti solo in fotografia.

Se andiamo a vedere nelle cuciture tutto il mondo è paese,
e ognuno, alla sua maniera, deve arrivare alla fine del mese,
ma a questo punto non ci sarebbero arrivati,
se più delle balle contasse la verità.