Socialisòm a l’arvèrsa

Socialisòm a l’arvèrsa
(ovéira : La Distansa Socièla)

La forsa ed ‘na parola
la sta tóta in c’ma l’as dròva;
A còla che imparom a scòla
agh dom sèimper ‘na vèsta nòva.

In dl’Otsèint al Sócialisom
l’é stè un grandèsom idéel,
cuntra i dân ed l’egoisom
ed chi a gh’iva al capitèl.

Dòp un po’ i’è arivé quii
dal Socièl un po’ piò bèl:
da Utopésta a Prolètari,
fin al Nasionèl socièl.

Po’ però j’om pers al fil
e a s’é armès ed la parola
sòl un agètiv sutil
ch’al va bèin per tótt i gòst:

L’è socièl al capitèl,
come la copèrativa,
o come al ceinter socièl,
ed ragas in comitiva.

Però almeno a s’èra armés
la sostansa ed l’idéel
ch’a vol dir insém a d’jêter
anca se mia tótt uguèl.

Però adès as volen dîr
ch’ l’é cambièda ancòra un po’
e che s’a gh’om da éser brèv
gh’om da éser pio’ socièl.

Sté luntan da tòtt un meter
sté tótt bèin à la distansa
ch’l’av tin tótt in sicurèsa,
e che quindi l’é Socièla.

Paolo Gibertini, 7/4/2020

Socialismo all’arrovescio
(ovvero : La Distanza Sociale)

La forza di una parola
sta tutta in come si usa;
A quella che impariamo a scuola
diamo sempre una veste nuova.

Nell’Ottocento il Socialismo
è stato un grandissimo ideale,
contro i danni dell’egoismo
di chi aveva il capitale.

Dopo un po’ avanzaron quelli
col Sociale un po’ più bello:
da Utopista a Proletario,
fin a Nazional sociale.

Poi però abbiam perso il filo
e ci è rimasto della parola
solo un aggettivo sottile
che va bene per tutti i gusti:

È sociale il capitale,
come la cooperativa,
o come il centro sociale,
di ragazzi in comitiva.

Però almeno era rimasta
la sostanza dell’ideale
che vuol dire insieme ad altri
anche se non tutti uguali.

Però adesso ci voglion dire
che è cambiata ancora un po’
e che se vogliamo essere bravi
dobbiam esser più sociali.

State lontani da tutti un metro
state tutti alla distanza
che tien tutti in sicurezza,
e che quindi è Sociale.